D'r Memminger Stadtbüttel bei seiner Ansprache zum Fischertag. Fotos: Geiger
Memmingen (mg/rad). Gemäß alter Tradition hat d'r Memminger Stadtbüttel den Fischertag 'ausgerufen'. Wie immer süffisant, diesmal aber als „Sprachrohr“ von Oberbürgermeister Manfred Schilder, der acht neue Verordnungen für die Maustadt erlassen hat.
Aber zuvor gab’s noch die formellen Dinge zu besprechen, wie etwa wann’s genau losgeht und wo der Fischerzug verläuft.
D'r Büttel:
"Bürgermoischter ond Raut der freia Reichsstadt Memmingen hot bschlossa, dass am 20. Juli 2019 der Memminger Fischertag ischd!
Der Fischerzug, vo der alta Realschul zur Schrannabruck, isch om viertel noch Siemne, wo nochher der Oberfischer sein Fischerspruch sait!
Es ischd grundsätzlich verbota vorm Fischerspruch mit seim Bära an da Stadtbach nahz´hockad!
Wenn um 8te da Böller kracht derfet dia Fischer in da Stadtbach neijucka!
Ma hot da Forellapreis fiar da Samstig so lossa wia em letzda Joahr au!
Der wo meh verlangt, wird am Marktplatz vom Memminger Scharfrichter aufghängt!"
Im Namen von OB Schilder
("Weil i – wia dohoi – faschd nia zu Wort komm, lass i jetzt da Büttel was saga!"), der dem Büttel das Wort gab, dann Folgendes:
"I hau acht nuie Verordnunga erlassa, damit onser Städle Memminga noh viel schenner wird:
Erschdens:
Des gröschde Problem in Memminga send dia Fliager! Aber id dia von Memmingerberg sondern dia mit de Feadra! I moi dia viele Tauba! Do miaß mer was do! S fuatra hau I ja scho verboda!
Gega die Tauba-Blog stell mer deshalb ab sofort noh Schilder auf! „Schilder“ send emmer guat! Ohne „Schilder“ goht in Memminga gar nix! Auf jeds Hausdach kommt a Schild mit „Landeverbot fiar Tauba“. Ihr werat seha, des hilft!
Zwoitens:
Falls dia Schilder doch it helfat! Was i id glaub! Werd nägschd Johr Stadtgarde mit große Netz bewaffnet und dia muass dann dia Tauba einfanga! Dia donts ganze Joahr eh nix gscheits! Wer dia gröschd Taub fangt, griagt 100 Liter Bier ond a paar Täubla zom selbergrilla!
Drittens:
Der ÖPNV klappt jetzt endlich au! Alle halbe Stond ka ma bald in alle Hemmelsrichtunga fahra ond komma! Blos ist noch Buxach! Des lohnt sich id. Do wohnat id so viele!
Abr: Weil I – uir Ober-Bürgermoischter - ja do dussa wohn, kennat alle Bürger bei mir arufa! Ond wenn ich grad hoim fahr oder ins Rathaus, dann derfet dia alle koschtenlos mit! Buxacher Bürger hol i sogar dohoi ab!
Telefonnummer stoht Morga in der Zeitung!
Viertens:
Auf dem Areal vom Ikea, bau mer bald a nuis Krankahaus! Der Landrat hot dem au scho zuagstimmt ond zahlt mit! Aber bloß – hot dr gsait - in Verbindung mit einem Fach- und Baumarktzentrum! So wia des IKEA damals auch gforderat hot! Weil: Dann kennat die Kranke während der Genesung glei einkaufa ganga z. B. an nuia Schlofanzug! Und wenn beim Opariera a Schraub oder was fehlt, dann ka ma des do au glei holla. I find des a guate Idee: Des isch fiar mi moderne, soziale Marktwirtschaft! Ja, des hau I bei dr IHK glernad!
Gespannt lauschen die Besucher den Worten des Büttels am Memminger Marktplatz
Fünftens:
Des Färberhaus am Westertor, wär ja bald ganz umgfalla! Fuirwehr ond THW hands aber grettet! Do sag i nohmal mein Dank fiar alle Helfer! Ihr send wirklich Helda! (Do kennat ehr ruhiag mol bettscha!)
Dass aber so ebs in meim Städle nomma vorkommt, wered au iberall Schilder aufgstellt. Ihr wissat ja, ohne Schilder goht in Memminga nix!
Auf dene Schilder stoht: „Umfalla von Häuser strengschdens verbota!“ Ihr werat seha: des hilft!
Sechstens:
A nuis Freibad bau mer au! Dia vierzg Milliona werd dr Kämmerer scho noh irgendwo fenda! Wenn id, noh dom mer halt d Gewerbesteuer gscheit nauf.
Des muaß ma au gar id extra beantraga, des goht jeds Joahr automatisch! Ganz vo alloi kommt so a Antrag! Brauchd dr Stadtrat bloß noh Ja-Saga und scho kenna mer a schöns Bad baua!
Siebstens:
Des Bahnhofsareal wird jetzt doch id so baut, wia i des wollt!
Des ham´er halt demokratisch so entschieda! Aber i hau scho wieder a guate Idee:
Mit bauat an da Bahnhof da nuia Fischerdags-Stadel! Noh ka im negschda Joahr die Frau Wallastoi direkt von dr nuia elektrischa Eisabahn in ihr Kutsche nei steiga. Es isch nämlich hischtorisch gar id bewiesa, dass der Wallastoi, wirklich a Ma war! Wearat seha, des behauptet irgendwann au no oiner!
Achtens:
Der Film vom Memminger Fischerdag hot mir so guat gfalla, dass i scho an nuia Film in Auftrag geba hau! Der hoißt:
„Der beschde Fischerkönig!“
Einzige Hauptrolle: Manfred Schilder
Regie: Manfred Schilder
Dauer: Vier Stund! Eintritt frei – wia bei alle Museums!!!
So, ond jetz wünsch I Euch an schena Fischerdag und mir dia gröschd Forelle!
Euer OB! Franz (stoht so manchmal in dr Zeitung) – Manfred Schilder! "